Trajneri i Skënderbeut, Ilir Daja, pas barazimit të skuadrës së tij, Skënderbeut në ditën e sotme ndaj Kamzës, ka hedhur akuza ndaj gjyqtarit të ndeshjes Klajdi Kola për favorizim të Kamzës gjatë pjesës së dytë të takimit.
Në një intervistë për ‘super sport’ Daja ka thënë se kjo nuk është paaftësi por e mirëmenduar.
“Duhet ta ndaj këtë pjesë, të mos u krijoj alibi lojtarëve që t’ua kalojmë komplet fajin gjyqtarit, se mund ta çonim vetë ndeshjen 2-0. Por më vjen shumë keq se në një ambient Fair Play, ku gjithçka ishte e qetë, të menaxhosh lojën në këtë farë mënyrë, nuk them se është paaftësi, është e mirëmenduar nga arbitri.
Po të shohësh pjesën e dytë, lojë efektive të cilën e duam ne aktorët e futbollit, nuk e kam matur por ka pak. Dhe të ketë 3-4 lojtarë që tërhiqnin në mënyrë të vazhduar lojtarët tonë, ndërsa për një prekje të pavullnetshme të Lilajt jepet karton. Diçka e vazhdueshme dhe e të përsëritur, çdo kontakt për ne ishte lojë në avantazh, për ata ishte ndërprerje. Në fund të bie në sy që vetëm tre minuta qëndroi barela në fushë në pjesën e dytë. U bënë 5 ndërrime dhe gjyqtari jep shtesë prej 3 minutash”.
(B.H/Shuplaka)
Discussion about this post