93 minuta emocione në “San Mames” mes Athletic Bilbao dhe Barcelonës. Ndeshja e vlefshme për 1/18-at e Copa Del Rey u mbyll me fitoren 2-1 të ekipit bask.
Vendasit shënuan dy gola të shpejtë në minutat 25 dhe 28 me autor Aduriz dhe Williams, ndërsa Barcelona ngushtoi diferencën në minutën e 52 me Lionel Messin, por pa mundur të gjejë golin e barazimit.
Duhet theksuar se Athletic Bilbao luajti për rreth 20 minuta me 9 lojtarë pas kartonave të kuq të Garcias dhe Iturraspes në minutat 74 dhe 80.
Ndeshja e kthimit luhet pas një jave në “Campo Nou”, aty ku do të përcaktohet edhe ekipi kualifikues. (A.R/SHUPLAKA)
