Merkatoja e kësaj vere për Barcelonën nuk ka qenë shumë positive pavarësisht se solli në ekip një lojtar premtues si Dembele.
Por katalanasit kanë tentuar të sjellin në “Camp Nou” një nga lojtarët më të mirë në qarkullim siç është Antonio Grizman.
Prapaskenat e kësaj tentative janë zbuluar nga nga radio spanjolle ‘Onda Cero’, sipas së cilës Barcelona ofroi deri në 140 milionë euro për sulmuesin francez të Atletico Madridit.
Por kjo shifër është refuzuar menjëherë nga klubi i Atletiko Madrid duke e konsideruar shifrën shumë të ulët.
Barcelona nuk është mjaftuar vetëm me kërkimin e Grizman por ka tentuar edhe Saul Niguez për 80 milionë euro, ndërkohë që kontrata e tij zgjidhet për 150 milionë euro. Grizman ishte nga lojtarët më të përfolur gjtë verës për të kaluar edhe në Angli tek Manchester Junajtid, por pavarësisht dëshirës së tij nuk u transferua. (B.H/Shuplaka)
Discussion about this post