“El Clasico” e parë e këtij sezoni, ka folur e gjitha për Barcelonën edhe pse ndeshja u luajt në Madrid.
Pjesa e parë e takimit u mbyll me rrjeta të paprekura, por në 45 minutat e dyta është Barcelona që ka vendosur diktatin. Edhe pse u duk se skuadrat ishin duke luajtur një lojë të vakët Barcelona e ka marrë veten ndjeshëm në të dytën.
Fillimisht ka gjetur golin Suarez, ndërsa Messi dyfishoi nga pika e bardhë e penalltisë. Ndërkohë, Realit iu desh që ti luante minutat e mbetura me një lojtar më pak, pasi Carvajal u largua me kartonin e kuq. Pas kësaj në minutat shtesë si për të vulosur humbjen turpëruese të madrilenëve ka menduar Vidal, i cili ka shënuar edhe golin e tretë për katalanasit.
Në tërësi skuadra e Zidane luajti një lojë aspak të mirë, pa raste të shumta për shënim. Ndërkohë që ylli i saj Ronaldo nuk ishte në një nga ditët e tij më të mira.
(E.K/FAXWEB)
