Kreu i departamentit të emigracionit dhe diasporës në Partinë Demokratike Bardh Spahia, ka reaguar pas deklaratave të kryeministrit Edi Rama, se PD-ja po e ndan Shqipërinë për së gjalli nga Europa.
“Sot deliranti Rama akuzoi PD se po e ndan Shqipërinë së gjalli nga Europa.
Nga Europa po na ndan për së gjalli krimi i organizuar, droga, korrupsioni, mbytja e fjalës së lirë, blerja dhe kërcënimi i medias së lirë, vrasja e shpresës dhe garancisë për votë të lirë e të ndershme si instrumenti thelbësor dhe parimi bazë për një demokraci europiane.
Gjate qeverisjes së PD ne kemi marrë statusin e vendit kandidat, u hoqën vizat për shqiptarët, u anëtarësuam në NATO.. etj.
Ju çfarë bëtë…??!!”, shkruan Spahia.
Pas seancës së sotme parlamentare, ku u miratua ngritja e dy komisioneve Ad Hoc për ligjin e Vettingut, kryeministri Edi Rama është shprehur se Partia Demokratike po vonon procesin e Vettingut.
“Një drejtësi europiane, është një njollë e zezë, që partia që lindi me sloganin “E duam Shqipërinë si gjithë Europa”, po përpiqet, ndonëse pa vetëdije, t’ja vërë Shqipërisë. Një gjë shumë e qartë që e kanë thënnë dhe partnerët tanë ndërkombëtarë, që vonesa e vettingut pengon integrimin në Bashkimin Europian. Por fatkeqësisht, Partia Demokratike është e gatshme të na ndajë edhe njëherë për së gjalli nga Europa, vetëm për t’ju shmangur anëtarësimit në drejtësi të atyre që janë për shtetin e së drejtës.”, ishte fjala e Ramës. (D.D/Shuplaka)
