Teksa Policia e Shtetit ka shpallur në kërkim ish-deputetin Bardh Spahia, dy kolegë të tij, Romeo Gurakuqi dhe Izmira Ulqinaku kanë mbërritur në komisariatin e policisë së Shkodrës.
Ata kanë kërkuar takim me drejtorin e Policisë së Shkodrës, për t’iu kërkuar llogari lidhur me të arrestuarit, pasi në mëngjes u vunë në pranga dhe dy policë bashkiak, si dhe një punonjës i Bashkisë së drejtuar nga Voltana Ademi.
Situata sot në Shkodër ka qenë më e qetë, ndërsa tensionet më të mëdha janë shënuar në Kukes, në Kamëz, në Burrel dhe në Çorovodë.
Theksojmë se ish-deputeti Spahia ka qenë aktiv në të gjitha aksionet opozitare në kuadër të aksionit për largimin e Kryeministrit Edi Rama nga drejtimi i qeverisë shqiptare.
Ai gjithshtu ka qenë pjesmarrës gjatë konfrontimeve të ditës së djeshme në një nga KZAZ-të e Shkodrës ku iu vu flaka materialeve zgjedhore në shkollën “Shejnaze Juka”.
Policia e Shkodrës ka arrestuar 4 persona pas incidenteve që u regjistruan mbrëmjen e djeshme në KZAZ-në numër 3 në shkollën Shejnaze Juka. (Lexo ketu perplasjen qe ndodhi mbrëmë në Shkodër)
(E.K/Faxweb.al)
