Ditën e sotme ish-deputeti Bardh Spahia ka masën e sigurisë në 10:00 në Gjykatën e Shkodrës, pas arrestimit të tij dy ditë më parë në Tiranë.
Mësohet se transferimi i tij drejt Shkodrës është bërë mbrëmjen e djeshme, në fshehtësi, për të shmangur çdo përplasje të mundshme mes simpatizantëve të PD-së dhe policisë së shtetit.
Ndërkohë që burime bëjnë me dije se në Shkodër përpara Gjykatës do të ketë sot një protestë nga ana e mbështetësve të PD-së.
Spahia u arrestua nga policia mbrëmjen e së enjtes, me pretendimin se kishte qenë organizator i protestës pranë një prej KZAZ-ve në Shkodër, të cilës iu vu flaka nga ana e qytetarëve.
Nga ana tjetër PD e ka cilësuar një arrestim politik veprimin e policisë, dhe ka kërkuar nga policia lirimin e menjëhershëm të tij.
Basha u shpreh mbrëmë se një nga kushtet për dialog me PS-në përveç largimit të Ramës është dhe lirimi i të burgosurve politik, me në krye Spahinë, si dhe vënia përpara drejtësisë e blerësve të votave.
(E.K/Faxweb.al)
Discussion about this post