Këshilltari Ligjor në PD dhe ish-ministri i Drejtësisë Gazment Bardhi i ftuar në ‘Fax News’ ka thënë se sulmi ndaj gazetares Klodiana Lala na prek të gjithëve sepse është sulm ndaj fjalës së lirë.
Bardhi tha se ngjarje të tilla shkaktojnë protesta masive në vende të tjera. Sipas tij krimi është trimëruar dhe tani arrinë deri në këtë pikë sat ë kërcënojë gazetaren edhe me plumba.
Ai solli ndërmend edhe reagimin e kreut të PD-së Lulzim Basha për ngjarjen dhe tha se kryeministrit Rama i është bërë e qartë se nëse nuk zbardhet shpejt ngjarja dhe gjenden shpejt autorët prapa këtij akti kriminal qëndron qeveria.
“Nuk është sulm vetëm ndaj Klodiana Lalës dhe familjes së saj, por ndaj të gjithë shoqërisë, është provë se krimi është forcuar aq shumë sa kërcënon për t’i mbyllur gojën gazëtares e cila gjatë gjithë kësaj periudhe ka treguar se i qëndron të vërtetës.
Ka patur një reagim zyrtar në lidhje me këtë ngjarje nga zoti Basha dhe paralajmërimi është i qartë që nëse qeveria nuk arrinë brenda një kohe të shkurtër të zbulojë autorët e saj, përgjegjëse për sulmin është qeveria.
Jam shumë i tronditur se e njoh personalisht gazetaren klodiana Lala. Kjo ngjarje në vende të tjera sjell protesta masive kujtojmë ngjarjen e vetëm para pak kohësh.
Është koha që kryeministri të lërë cicërimat por të zbardhë të vërtetën. E ka shumë të thjeshtë, mjafton të ftojë grupin e mafiozëve që drejton dhe t’i pyesë se cili është autori i sulmit.
Vetë gazetarja ka thënë që ky sulm lidhet me punën e saj. Dhe me sa e njoh është një nga gazetaret më të mira që ka Shqipëria për sa i përket fushës që mbulon.
Nuk është trembur përpara asnjë presioni dhe kjo është përgjigjia që merr, është moment për të vënë para përgjegjësisë autorët e këtij sulmi”, tha ndër të tjera Bardhi.
Intervista e plotë:
(B.HFaxweb)
