Kryeministri Edi Rama i del në mbrojtje një qytetari nga Cakrani i Fierit, të cilin Kryetari i Partisë Demokratike Lulzim Basha, e akuzoi sot se ai ka parcela të mbjella në bashkëpronësi me Armando Subashin.
Rama i ka kërkuar qytetarit në fjalë ndjesë publike, ndërsa deklaratën e Bashës e ka cilësuar si dicka anormale.
“I kërkoj shumë ndjesë zotërisë për fjalorin anormal të kryetarit të PD-së dhe i lutem atij e familjes së tij të mos e marrin seriozisht Lulzim Bashën që mesa duket e ka humbur fare busullën.”, shkruan Rama i cili ka bashkëngjitur edhe një video ku shihet krahas qytetarit. Ky i fundit shprehet se është simpatizant i Partisë Demokratike.
REAGIMI I PLOTË I RAMËS
SHËNIMI I DITËS
Sot isha në Cakran të Fierit, ku ndër të tjerë pata edhe një dialog me zotërinë në videon bashkëngjitur.
Jam sinqerisht shumë i keqardhur për të, sepse për shkak të këtij momenti njerëzisht miqësor komunikimi që mund ta shihni vetë, u sulmua egërsisht (madje familjarisht) nga Lulëzim Basha si kriminel e si trafikant i shitur tek krimi!
I kërkoj shumë ndjesë zotërisë për fjalorin anormal të kryetarit të PD-së dhe i lutem atij e familjes së tij të mos e marrin seriozisht Lulëzim Bashën që mesa duket e ka humbur fare busullën. (D.D/Shuplaka)
Discussion about this post