Kreu i opozitës Lulzim Basha më në fund ka arritur në një marrëveshje me aleatët e tij për zgjedhjet e 25 qershorit. Pavarësisht se edhe në takimin e dytë mes Bashës dhe Mediut ende nuk ishte arritur një marrëveshje, më në fund mësohet se palët kanë rënë dakord.
Kështu edhe Fatmir Mediu, Vangjel Dule, Nard Ndoka dhe Agron Duka kanë rënë dakord me Bashën lidhur me përfaqësimin e tyre në listat e Partisë Demokratike.
Mësohet se aleatët do të kenë edhe nga 1 kandidat të diskutueshëm në listat e PD-së, si edhe nga 2 të tjerë në renditje jo fituese.
Ndërsa Ndoka dhe Shehu vetë do vendosen në vende fituese, por kanë edhe nga 2 persona në vende jo fituese.
Kështu jashtë listave jka mbetur vetëm Kreshnik Spahiu, i cili vetëm një orë më parë deklaroi se Basha e kishte thyer në besë dhe i kishte lënë vetëm një afat kohë për të rishikuar vendimin.
Ndërsa pritet ende vendimi final për Spahiun, orët kalojnë dhe kujtojmë se mesnata e sotme është dhe afati i fundit i dorëzimit të listave në KQZ. Siç duket, Spahiu do të garojë i vetëm, nën siglën e Aleancës Kuq e Zi. (D.D/Shuplaka)
