”Asambleja e Partisë Popullore Europiane miratoi rezolutën për zgjedhje të lira e të ndershme”, ky është një nga lajmet e mira për Lulzim Bashën këtë mesditë, teksa shton se rezoluta kërkon reformën zgjedhore, zbatimin e ligjit të dekriminalizimit dhe masa ndaj trafikimit të drogës.
”Asambleja Politike e Partisë Popullore Europiane (PPE), e cila ka shumicën në Komisionin dhe Parlamentin Europian, diskutoi ndër të tjera zhvillimet e pritshme politike që lidhen me anëtarët e saj.
Asambleja miratoi me unanimitet një rezolutë për Shqipërinë e cila bën thirrje për zgjedhje të lira e të ndershme dhe dënon shitblerjen e votës. Rezoluta bën thirrje për aprovimin me konsensus të reformës zgjedhore si dhe për zbatimin e ligjit për dekriminalizmin e politikës dhe kërkon masa urgjente kundër kultivimit dhe trafikimit të drogës.
Dua të shpreh mirënjohjen time për mbështetjen e PPE-së ndaj Shqipërisë dhe shqiptarëve në betejën për zgjedhje të lira dhe të ndershme, luftën kundër krimit dhe të ardhmen tonë Europiane, si dhe angazhimin tim për përmbushjen e këtyre qëllimeve.”, thekson Basha.
Demokratët kanë kërkuar para zgjedhjeve të 18 qershorit votimin elektronik, i cili po kundërshtohet nga kryeministri Rama dhe disa socialistë. (V.G/SHUPLAKA)
Discussion about this post