Kryetari i PD-së Lulzim Basha ka mbajtur një bashkëbidesim me të rinjtë në selinë e PD-së në kuadër të përkujtimit të 2 korrikut 1990, kohë kur u hapën ambasadat.
Basha ndërsa ka falenderuar protagonistët e asaj kohe ka thënë se sot Shqipëria është e izoluar edhe pse shqiptarët i meritojnë hapjen e negociatave dhe Europën.
Por sipas Bashës është qëveria ajo që po I pengon hapjen e negociatave. “Shqipëria është I vetmi vend ku kanceri i komunizmit është zëvendësuar me kancerin e krimit”.
Basha tha se vendi ynë ka imazh shumë të keq për shkak të krimit dhe drogës. Ai tha se në Shqipëri po pastrohen paratë e krimit.
“Tregun e ka shkatërruar krimi, e ka shkatërruar droga, ka izoluar Shqipërinë dhe askush nuk e ndjen më shumë se Shqipëria”, tha ndër të tjera Basha i cili shtoi se mundësitë dhe aftësitë e të rinjve janë shumë më lart se ajo çfarë ofron Shqipëria.
Rruga e vetme për Bashën është çlirimi I politikës nga krimi.
“Vetëm çlirimi i politikës nga krimi na çon tek hapja e negociatave”, tha Basha I cili shtoi se edhe ekonominë do ta çlirojë nga oligarkët.
(B.H/Faxweb)
Discussion about this post