Kreu i opozitës Lulzim Basha në fjalën e tij sot në Kuvend ka bërë bilancin e dy javëve të fundit të qeverisë.
Sipas tij këto dy javë treguan edhe njëherë tjetër se shteti ka rënë dhe se Policia e Xhafajt nuk mund të mposhtë dot krimin.
FJALA E BASHËS NË KUVEND:
Këto dy javë qeveria ka qenë pushim, edhe ky ka filluar të shpallë ditët pushim. Ndërkohë që qeveritarët ishin pushim, fëmijët e Bulqizës vijojnë të rropaten atje, 70 nxënës u helmuan nga kaldaja, montuar keq nga korrupsioni nqeveritar.
As ministria e Arsimit dhe as Edi Rama jo vetëm që nuk kërkuan falje po as nuk reaguan. Një kompani fantazëm mori 5 milionë euro në Fier ende pa bërë asgjë. Po si ka mundësi që një qeveri ti japë 4.8 milionë euro në dorë një kompanie që nuk ka bërë asgjë. Si mundet, çfarë asrsyeje ka?!
Fare e thjeshtë, pas këtyre kompanive qëndron vetë Ministri i Financave Arben Ahmetaj dhe pas tij Edi Rama. Vetëm për palna kjo qeveri shpenzoi 8 milionë euro për zëvendësimin e tyre me pisha. Këtë mund ta bëjë vetëm një qeveri dhe një kryeministër që i kanë vënë shkelmin qytetarëve të tyre. E pamë në Lushnje sesa pak respekt kanë burrat e gratë e kësaj qeverie, kur kosisnin barin në Lushnje për ti bërë qejfin shefit të tyre. Këto dy javë treguan që Rama dhe Xhafaj nuk mund të luftojnë krimin.
Disa javë pas ‘’Forcës së Ligjit”, rezultatet kanë treguar që Policia e tyre kapi vetëm disa fshatarë që u përpoqën që ti shisnin si trafikantë. Deti vazhdon që të jëtë rrugë e lirë, Policia greke e tha qartë që skafi me 1.6 ton drogë u kap vetëm kur ata vendosën që të mos njoftonin autoritetet shqiptare në mënyrë që të mos dekonspirohej aksioni.
Krimi nuk ka mbaruar, qeverisja dhe shteti i Edi Ramës kanë mbaruar. Kjo është e vërteta, edhe pse shqiptarët e lënë vendin me shifrat e ngjashme me Sirinë, Edi Rama prapëseprapë vazhdon dhe e drejton gishtin nga ana e opozitës.
(E.K/Faxweb)
