“Kjo qeveri e ka shpalosur modelin antiarsim, si mund të jetë proarsim një pushtet që promovon kultin e krimit, një model antiarsimor, esenca e këtij modeli është shkurajimi, e mbani mend si i shndërruan drejtoritë arsimore në qendra korrupsioni, një shoqëri e tillë është e destinuar të rënohet. Rrënimi është ulur këmbëkryq. Kështu zhduken kombet përmbi dhe. Për ta ndalur rrënimin e rëndësishme është arsimimi i fëmijëve tanë. Këtij realiteti ku prindërit sakrifikojnë i përgjigjet një realitet kriminal.
Ky është shteti i ndyrë që ne do ta shembim. Shtetin e rilindjes urbane, pllaka dhe palma të tenderuara, që bëhen nga një grusht kompanish që vjedh me Edi Ramën. Ky është krimi më i madh.
Investimet e Republikës së re do kenë si qëllim garantimin e studimit normal në klasa normale, mësim deri në orën 16:00, me drekën e paguar nga buxheti i shtetit për fëmijët shqiptarë. Ky është fillimi i Republikës së re, paratë e shqiptarëve do të shkojnë për fëmijët e shqiptarëve. Nuk do ketë në asnjë fshat apo në asnjë lagje të qyteteve shkolla më moderne. Investimi në arsim do të jetë investimi më i madh. Investimet tyre për rrugët e Shqipërisë nuk do të jenë asgjë krahasuar me atë që do të bëjmë për shkollat shqiptare.
Në orën 08:00 do të fillojë mësimi, deri në orën 16:00, me drekë të paguar. Gjithcka do të bëhet sipas standardeve më të mira në Ballkan. Mundësitë janë të plota, por ato janë peng i Republikës së vjetër.
Mësuesit shqiptarë do të kenë dy-fishin e rrrogës që kanë sot. Unë e di rëndësinë e arsimit. Jam ndër të paktët që mu dha shansi për të njohur rëndësinë e madhe që ka arsimi për fëmijën.”
(XH.A/SHUPLAKA)
