Kreu i opozitës Lulzim Basha ka deklaruar se deklaratat e Ramës janë në kufijtë e idiotësisë politike. Sipas Bashës Rama duhet ta harrojë se në Shqipëri do të ketë një parlament monist.
“Edi Rama u tha shqiptarëve se parlamenti i ri do të jetë më i mirë pa opozitën se do të ketë më pak sherre! Parlamenti më me pak sherre ka qënë Kuvendi Popullor i Republikës Popullore Socialiste të Shqipërisë. Aty s’kishte sherr fare, sepse dhuna, terrori, burgosja, internimi dhe plumbi ndaj qindra mijëra shqiptarëve ishte rendi i çdo dite të regjimit.
Sa më pak sherr në parlament, aq më shumë njerëz të terrorizuar, aq më shumë të drejta të shkelura. Sa më pak të kenë mundësinë të ngrejë zërin në parlament përfaqësuesit e popullit, aq më shumë shtypet, vidhet dhe nëpërkëmbet populli. Ky është një mësim i patjetërsueshëm i historisë.
Deklaratat e Edi Ramës janë në kufijtë e idiotësisë politike. Ai duhet ta harrojë se në Shqipëri do të ketë një parlament monist, pa opozitë, gojëmbyllur, sepse kjo do të thotë popull i shtypur, do të thotë dhunë, terror, papunësi dhe varfëri për shqiptarët.”, shkruan Basha. (J.V/Shuplaka)
Discussion about this post