Pas takimit të mbrëmjes së djeshme ku u arrit marrëveshja mes Edi Ramës dhe Lulzim Bashës ditën sotme liderët e politikës po zhvillojnë një takim tjetër mes tyre.
Në ambinetet e Pallatit të Kongreseve po zhvillohet takimi mes Bashës dhe Ramës për të përcaktuar detajet e marrëveshjes së mbrëmjes së djeshme. Në këtë takim Rama dhe Basha po detajojnë marrëveshjen e tyre të bazuar në paketën Mc Allister. Në këtë takim Rama dhe Basha janë të shoqëruar nga stafi i tyre teknik të cilët janë Ëngjëll Agaçi dhe Oerd Bylykbashi.
Maxhoranca dhe opozita hodhën dje një hap të rëndësishëm drejt zgjidhjes së ngërçit politik, ndërsa momenti që tërhoqi vëmendjen e të gjithëve ishte shtrëngimi i pazakontë i duarve mes Lulzim Bashës dhe Edi Ramës.
Për rreth tre orë, Rama dhe Basha u takuan kokë më kokë te kryesia e Kuvendit, pasi më herët ishte zhvilluar edhe një tryezë e partive politike parlamentare. (J.V/Shuplaka)
Discussion about this post