Nga 8 kandidatura që ishin në garën për kreun e PD-së vetëm dy prej tyre u konfirmuan më mbledhjen e djeshme të Kryesisë, Lulzim Basha dhe Eduart Selami.
Ndërkohë që Astrit Patozi vendosi që të hiqte dorë në momentet e fundit, pasi nuk iu plotësuan disa nga kërkesat e tyre.
Po pse nuk u pranuan 6 kandidaturat e tjera?
Sipas nënkryetarit të PD-së Edi Paloka edhe pse një pjesë e tyre ishin kandidatura të nderuara kur diskutohet për kryeministrin e ardhshëm së paku emrat duhet të jenë figura politike me reputacion të njohur nga të gjithë.
“Nuk u përjashtua njeri, ne i shqyrtuam kandidaturat, duhet të kemi parasysh që midis tyre kishte figura të nderuara, një pjesë ishin thjeshtë anëtarë të PD dhe kuptohet që kur diskutojmë për kryetarin e Partisë Demokratike diskutojmë liderin aktual të opozitës, për kryeministrin e ardhshëm, ndaj dhe duhet që së paku figurat të jenë figura politike me reputacion të njohur nga të gjithë.
Gjithmonë janë bërë seleksionime kandidaturash, nuk kanë kandiduar gjithë kandidatët që kanë shprehur dëshirën tuaj”, është shprehur Paloka.
(E.K/SHUPLAKA)
