Kreu i opozitës, Lulzim Basha sapo ka dalë nga Kryesia e Kuvendit nga ku ka bërë zyrtarisht edhe dorëzimin e mandatit të deputetit. Bashkë me Bashën në Kryesinë e Kuvendit ishte dhe kryetarja e LSI-së Monika Kryemadhi dhe Gazmend Bardhi.
Basha pas këtij veprimi ka dalë nga Kryesia Kuvendit duke iu bashkuar qytetarëve dhe në thirrjet e tyre ”Rama ik” ka kaluar poshtë zyrës së Edi Ramës ku është drejtuar për nga selia e Partisë Demokratike.
Derimë tani nuk është shënuar asnjë incident nga ana e qytetarëve, që kanë qenë të shumtë në numër, pavarësisht se u kanë kaluar pranë të gjitha institucioneve.
Duket se ky veprim i Bashës ka qenë i mirëmenduar, për tiu dhënë një përgjigje të qartë dhe ndërkombëtarëve që kanë pretenduar se në protestën e sotme mund të kishte shfaqje të dhunshme.
