Pak minuta më parë nga çadra e lirisë ku opozita po proteston tashmë prej 7-ditësh Basha ashpërsoi tonet. Ai tha se nëse kundërshtarët duan luftë, luftë do të ketë. Dhe në gjithë këtë retorikë tashmë të tensionuar Bashës i është përgjigjur një nga deputetët socialist.
Deputeti Arben Çuko, njëherazi anëtar i Komisionit parlamentar të Sigurisë ka reaguar me të njëjtat tone “luftarake” ndaj Bashës, duke u shprehur “Mos or trim, po i hap një gropë të madhe vetes”.
Deputeti Çuko thotë se me këto deklarata për destabilitet, kreu i opozitës po dëmton jo vetëm vendin, por edhe veten.
‘’Ky njeri ( Lulzim Basha) po bën thirrje për anarki dhe kaos në vend. Me duket se è ka gojën shume më të madhe se stomaku dhe mendja. Me këto thirrje për destabilitet nuk bën gjë tjetër veccse i hap një gropë të madhe vetes. Mos or trim mos e kalo at prag. Mua më duket që ai e di qe do rrihet perseri me mbi nje milion shuplaka dhe qan pa u rrahur akoma. Prit Luli, duro, pas 18 qershorit fillo dhe qaj’’, ka shkruar deputeti. (E.K/SHUPLAKA0
