Astrit Patozi është një prej emrave të demokratëve që kryetari i PD-së vendosi të lërë jashtë listave të kandidatëve për deputetë në zgjedhjet e përgjithshme parlamentare të 25 qershorit.
Lidhur me këtë vendim, ka reaguar kryetari i LIBRA-s, Ben Blushi, i cili shpreh mbështetjen e tij për demokratin Patozi. Duke e cilësuar koleg, Blushi shkruan se Patozi ishte ndër të rrallët njerëz që ai e dëgjonte kur fliste.
Teksa thekson se një figurë si Astrit Patozi do u mungojë demokratëve në Kuvend, Ben Blushi i drejtohet kolegut se “nëse pranon, do të flasë edhe për të në Kuvend, pavarësisht se Patozi nuk do të jetë i pranishëm”.
Reagimi i Ben Blushit:
PËR KOLEGUN ASTRIT PATOZI
Në mëngjes mora vesh se kolegu demokrat Astrit Patozi nuk do jetë në Kuvendin e ardhshëm. Astrit Patozin e kam patur kundërshtar, por megjithatë ishte nga njerezit e rrallë që e dëgjoja kur fliste. Besoj se parlamentit nuk do t’i mungojë një demokrat më shumë por demokratëve të paktë në atë Kuvend do t’u mungojë një mik më shumë. Megjithatë beteja vazhdon Astrit. Nëse e pranon do flas edhe për ty, megjithëse ti s’do jesh aty për të më thënë: Ben u mbyll ndërrmarrja, punëtorët ikën në shtëpi.
(XH.A/SHUPLAKA)
