Sekretari organizativ i Partisë Demokratike, Enno Bozdo, ka reaguar së fundmi lidhur me vendimin e kryetarit të PD-së për ta lënë jashtë listave të kandidatëve për deputetë.
I pyetur nga “Gazeta Shqiptare” se çfarë mendon për këtë vendim, a ndjen keqardhje, ai është shprehur se nuk ndjen aspak keqardhje dhe shpreson që PD të dalë fituese duke siguruar 71 mandate:
“Sekretari organizativ i shërben Partisë Demokratike në çdo pozicion të mundshëm. Keqardhje? Kjo e tashmja nuk është koha për keqardhje, por për mobilizim nga gjithsecili prej nesh”.
Sa për kritikat ndaj Bashës dhe kërkesën për shkarkimin e tij nga posti i kryetarit, Bozdo e ka cilësuar si kërkesë të pandershme:
“Nuk është e ndershme që të kërkon shkarkimin e kryetarit të një partie politike kur fushata sapo ka nisur. Unë arrij të kuptoj gjithçka, edhe emocionet njerëzore, por fushata është betejë dhe në betejë disiplina është e shenjtë. Ne duhet të bëjmë gjithçka për ta fituar këtë betejë”.
(XH.A/SHUPLAKA)
