Basha e ngushëlloi për ndihmën ekonomike, Rama e merr, i pret flokët dhe i gjen punë (Video)

Prej disa ditësh Partia Demokratike është investuar fort në denoncimin e rasteve të familjeve që u hoqën nga ndihma ekonomike.

Ndërkohë nga ana tjetër një ekip i gjithë është investuar nga ana e kryeministrit Rama për të përgënjshtruar rastet.

Së fundi në profilin e kryeministrit në ‘’Facebook” është postuar rasti i një zonje, banore e Valiasit, e cila ishte hequr nga ndihma ekonomike.

Familja e saj ishte vizituar nga ana e Lulzim Bashës, pak kohë më parë, teksa ajo i shprehte gjendjen e vështirë ekonomike në të cilën ndodhej. Fill pas kësaj qeveria është vënë në lëvizje, duke i gjetur punë zonjës.

Punësimi i saj është ideuar me kamera gjatë gjithë kohës.

Nëse ndjek me vëmendje rastin në fjalë, skenari është menduar deri në detajet e ngjyrave të videos, pse jo dhe pamjes më të kuruar të zonjës. Asaj i ishte gjetur një punë si sanitare ku do të paguhej 24 mijë lekë, nga 3’900 lekë që merrte nga ndihma ekonomike.

Sipas Ramës vizioni i qeverisë së tij është punësimi. Pyetja që shtrohet është: a duhet të luhet kështu me njerëzit dhe historitë e tyre?!

(E.K/FAXWEB)