Kryetari i Partisë Demokratike, Lulzim Basha ka vendosur të emërojë Piro Ahmetajn si këshilltar të tijin për Sigurinë Kombëtare. Në vendim, Basha shprehet se Ahmetaj është një figurë që ka ndihmuar shumë në reformimin e ushtrisë dhe që ka shërbyer si përfaqësues ushtarak për 6 vjet në NATO.
Po ashtu, ai cilësohet si profesionist i mirënjohur në fushën e sigurisë kombëtare. Piro Ahmetaj ka qenë edhe këshilltar i ish-presidentit Bujar Nishani. Ai ka lindur më 10 mars të 1963.
Gjeneral Brigade Ahmetaj ka 35 vjet përvojë shërbimi aktive në Forcat e Armatosura, prej të cilave 20 vjet në poste dhe funksione të larta në Shtabin e Përgjithshëm, Ministrinë e Mbrojtjes dhe NATO-n dhe që nga janari 2014 në kabinetin e Presidenti i Republikës së Shqipërisë.
(M. I./ Faxweb.al)
