Basha: Fatmir Xhafaj nuk kalon pragun e ministrisë veçse mbi trupat tanë, t’i japë fund aventurës që ka nisur

Kryetari i Partisë Demokratike, Lulzim Basha, është zotuar se nuk do të lejohet Fatmir Xhafaj në krye të Ministrisë së Brendshme.

Duke e cilësuar narkotrafikant të kokainës, ai shprehet se Xhafaj mund të shkelë pragun e ministrisë veçse mbi trupat e opozitarëve, qytetarëve shqiptarë. Ndaj i bën thirrje t’i japë fund aventurës që ka nisur.

“Ish-të përndjekurit të pranishëm, por sot jemi këtu të gjithë bashkë për të shprehur njëzëri vendimin për të mos u pajtuar kurrë me neodiktaturën e pinjollëve të komunizmit, veshur me petkun e krimit të organizuar dhe trafikut të drogës.

Një njeri që pasi hoqi kostumin e hetuesit të Sigurimit të Shtetit, veshi kostumin e narkotrafikantit të kokainës. Ky është Fatmir Xhafaj. Kush nuk e njeh mirë historinë e Shqipërisë mund ta pretendojë për qingj.

Nga këtu, le të zotohemi bashkë se Fatmir Xhafaj nuk kalon pragun e Ministrisë së Brendshme përveçse mbi trupat tanë. E vetmja rrugë e integrimit është largimi i Edi Ramës.

I bëj thirrje Fatmir Xhafajt që të tërhiqet nga aventura që ka nisur. Nuk do jetë asnjë minutë ministër i Brendshëm.”, u shpreh ndër të tjera Basha.

(XH.A/SHUPLAKA)