Pas takimit të zhvilluar në orët e para të mëngjesit më Presidentin e Republikës, Ilir Meta, kreu I opozitës Lulzim Basha ka takuar aleatët e tij me të cilët tha se ka diskutuar hapat e mëtejshmë të aksionit opozitar, për platformën ekonomike të opozitës, për zgjidhjet ekonomike që sipas tij me ardhjen e PD-së në pushtet do t’ju ofrohet qytetarëve.
Ndërkohë kreu democrat tha se me Presidentin kishte diskutuar për 13 Tetorin që sipas tij ky I fundit mendonte se ishte një shans për zgjidhjen e krizës.
“ Padyshim lidhet me 13 tetorin. Kreu i shtetit mendon se 13 tetori është një mundësi për daljen nga kriza politike përmes zgjedhjeve të parakohshme parlamentare, zgjedhjeve lokale dhe siç është shprehur politikisht, edhe përmes zgjedhjeve të reja presidenciale, që nënkupton ndryshime kushtetuese.
Duke vlerësuar maksimalisht qëndrimin e presidentit dhe shqetësimin e tij i kam bërë të qartë se PD dhe opozita e bashkuar janë në këtë betejë për interesin e njerëzve që zgjedhjet e ardhshme ndryshe nga farsa e 30 qershorit, siç e deklaroi dhe OSBE/ODIHR, duhet të jenë për njerëzit dhe jo për partitë dhe aq më pak për Ymer Lalët e aq më keq për shokun e tyre, bablokun e madh dhe oligarkët dhe se në këtë funksion, opozita është e gatshme të ndërmarrë çdo hap për t’i garantuar shqiptarëve të drejtën e votës që është dhunuar dhe tjetërsuar përtej çdo përfytyrimi, siç e pamë dhe më 30 qershor, ku Edi Rama nuk i rezistoi dot tundimit për të vjedhur edhe një proces ku kandidonte vet, numëronte vetë, tabulonte vet, dhe për të garantuar përmes zgjedhjeve të lira dhe të ndershme një qeveri për njerëzit”, tha Basha
(F.GJ/FAXWEB.AL)
Discussion about this post