Kreu demokrat Basha ka folur sot nga çadra e opozitës. Ai u shpreh se protesta do të jetë moment historik dhe shtoi se negociatat me qeverinë kanë dështuar.
Fjala e Bashës:
E kërkuam rrugëdaljen nga kjo gjendje e rëndë kudo, në luftën dhe përballjen tonë parlamentare, nga çdo negociatë, veç e veç nuk e gjetëm dot sepse shpëtimi ishte dhe duhet të ishte në rrugën e bashkimit që ju dhatë më 18 shkurt.
Përballë banditëve me pushtet dhe pushtetarëve të majmë, përballë trushplarjes së mediave të kapura me paratë e shqiptarëve rrezatoi fytyra e dëlirë e shqiptarëve, i bashkon vlera më e shenjtë, liria, liria e votës. Në asnjë cep të Europës nuk luftohet për zgjedhje të lira, pa zgjedhje të lira nuk do të kishte pasur kurrë Europë, nuk ngre me pushtet trafikantin, Europa është e demokracisë së vërtetë jo me zgjedhje moniste, të padiktuara nga droga, ju e dini, e dini edhe më mirë se ndonjë europian.
Beteja jonë është beteja e drejtë e për Shqipërinë, për vlerat elementare pa të cilat nuk mund të ketë Shqipëri, teksa marrshojmë të sigurt drejt BE-së ndjejmë mbi supet tona peshën e sfidës dhe përgjegjësisë përballë këtij udhëkryqi. Të ulemi para krimit dhe kupolës kriminale, ajo nuk do zgjedhje të lira, apo të çohemi dhe të bashkohemi të gjithë këtu në 13 ditën e shtunë, në një protestë që nuk është vetëm protestë , jo vetëm manifestim, bashkim, kësaj i tremben republika e vjetër dhe duhet t’i tremben, nuk ka forcë kriminale që t’i bëjë ballë dëshirës së qytetarëve për liri, nuk ka luftë më europiane se beteje për zgjedhje të lira dhe të ndershme, në 83 ditë ka qenë beteja me patriotike që ka njohur Europa.
Ky do të jetë bashkimi i shqiptarëve ditën e shtunë, kukumjackat e republikës së vjetër nuk na trembin dot.
(M.D/Shuplaka)
Discussion about this post