Kryetari i PD-së, Lulzim Basha, në fjalën e tij në Kuvend, i ka kthyer përgjigje Kryeministrit Rama lidhur me taksën në Rrugën e Kombit. Basha tha se taksa nuk duhej vendosur, sepse Rama ka rritur taksën e qarkullimit.
Kreu i PD-së, u ngatërrua sërish me shifrat që qeveria iu mbledh shqiptarëve nga taksa e qarkullimit.
Në vend që Basha të thoshte se qeveria mbledh 120 milionë dollarë, tha se qeveria merr 120 mijë dollarë.
Kaq ka mjaftuar që salla të përfshihet sërish nga hilariteti.
Pjesë nga fjala e Bashës:
“Rama ka rritur 2 herë taksën e qarkullimit. Sapo ra me këmbët e veta në gropën që ka hapur vetë. Çfarë është taksa e qarkullimit? Ua shpjegojnë ministrat e Ramës sa herë dalin para komisionet parlamentare. Dëgjoni karafilin e anglishtes dhe paraardhësin e tij, Canin.
Na thuaj pak o llapaqen i batutave, pse paguajnë dhe taksapaguesit dhe përdoruesit? Sapo e the vetë, o njëra o tjetra. Ngërdheshja tregon sa i pacipë je. Na trego ose kërciti ndonjë shpullë mësuesit të anglishtes.
Po, po do vijmë dhe tek matematike jote o mësues i anglishtes.
E pranove para shqiptarëve që kjo që po bën është i paprecedentë në Ballkan e në botë.
Ke lavdëruar disa herë nga kjo foltore, taksën e vendosur nga ne.
Me taksën “Rama” ti u merr shqiptarëve 120 mijë dollarë, më fal 120 milionë dollarë në vit.”-tha Basha.
(F.G/Faxweb.al)
Discussion about this post