Në kuadër të takimeve me qytetarët në rrethe të ndryshme të vendit për tu njohur me problematikat e tyre si dhe për t’i ftuar në protestën e 16 shkurtit, kreu i opozitës Lulzim Basha, ka zhvilluar gjatë ditës së sotme takim me banorë të njësisë 7 dhe 10 në Tiranë.
Ai është takuar edhe me tregtarë e biznesmenë që operojnë në kryeqytet.
Gjatë bisedës me ta, Basha u njoh me të gjitha problemet ekonomike dhe sociale që përballen qoftë qytetarët ashtu edhe bizneset, duke i njohur me programin ekonomik të PD-së.
Basha premtoi se në programin e PD parashikohet ulje e menjëhershme e taksave si dhe ulja e energjisë elektrike, e cila është rritur ndjeshëm që prej ardhjes së Ps-së në pushtet.
Ai deklaroi se cfarë janë biznese me nën 140 milionë lek të vjetra xhiro në vit, do të hiqën nga TVSH.
“Do të keni vetëm një tatim, 0.5% e xhiros vjetore dhe gjithçka tjetër do të anulohet. Taksat e bashkisë janë 7 dhe 10 fishuar më shumë se përpara tre vjetësh. Kanë shpikur taksë pas takse. Do të keni pullën në vitrinë. Tatimin prej 0.5% në vit do të shkojë për financimin e pushtetit vendor jo qeverisjes vendore dhe asnjë inspektor nuk do të ketë të drejtë të hyjë në biznesin tënd. Do të heqim taksën Rama mbi karburantin 300 lek. Do të ulim çmimin e energjinë për biznesin, veprimtarinë prodhuese dhe qytetarët. Me këto taksa e tarifa këta kanë vjedhur 2 miliard euro më shumë”, u shpreh Basha gjatë takimeve me qytetarët.
https://www.facebook.com/lulzimbasha.al/videos/367305120490999/UzpfSTYwNTQxMjU0OTA4OjEwMTU2OTU1NjE3ODk5OTA5/
(F.GJ/FAXWEB.AL)
Discussion about this post