Kryetari i Partisë Demokratike Lulzim Basha i ka uruar zgjedhjen në krye të Parlamentit Europian Antonio Tajanit. Për Bashën Tajani është një mik i jashtëzakonshëm i shqiptarëve dhe do të kountribojë në Integrimin e mëtejshëm të Shqipërisë në BE.
”Sot i përcolla urimet e mija Antonio Tajanit, Presidentit të sapozgjedhur të Parlamentit Europian. Z. Tajani është është jo vetëm nënkryetar i Partisë Popullore Europiane ku bën pjesë Partia Demokratike, por edhe një mik i jashtezakonshem.
Si Zëvendës President i Komisionit Europian dhe Komisioner i BE ai ka mbështetur përherë perpjekjet e Shqipërisë për zhvillim ekonomik. Jam i lumtur për zgjedhjen e tij në krye të Parlamentit Europian që do të më japë mundësinë të punojmë së bashku për të çuar përpara integrimin e Shqipërisë në BE”, është shprehur Basha.
Discussion about this post