Kryeministri Edi Rama disa herë i është drejtuar kreut të opozitës Lulzim Basha me pyetjen “Kush gënjen?”, mirëpo sot ky i fundit i është përgjigjur, madje me të njëjtën fjali.
Basha ka publikuar një video ku shfaqet një pjesë nga intervista e Ramës në studion e emisionit “Opinion” të gazetarit Blendi Fevziu, ku ai ka deklaruar: “Në Shqipëri problem nuk janë fare, fare, fare…kriminelët”.
Por Basha ka bashkangjitur edhe Raportin e DASH mbi kontrollin e narkotikëve, raport i 2017-ës ku thuhet: “Shqipëria është baza e operacioneve të organizatave kriminale në rajon.”
“Kush gënjen?”, shkruan Basha krahas kësaj videoje ballafaqimi.
Pak ditë më parë kreu i qeverisë iu drejtua bashës me këtë pyetje lidhur me deklaratat e këtij të fundit se “mbështetja amerikane është marrë”, pavarësisht lajmit që qarkullonte se Ambasada e SHBA-ve kishte shprehur se protesta e opozitës nuk mbështetej nga Washingtoni.
Të njëjtën gjë bëri edhe dje lidhur me faktin se kë mbështet Basha, Donald Trump apo Hillary Clinton, pasi ai ka shprehur vlerësim dhe mbështetje ndaj të dy politikanëve amerikanë, edhe ndaj presidentit edhe ndaj ish-kandidates për presidente. (D.D/Shuplaka)
Discussion about this post