Kreu i opozitës Lulzim Basha jashtë “Çadrës së Lirisë” ka deklaruar se Edi Rama duhet të largohet nga pushteti bashkë më bandën e tij. Sipas tij duhet të largohet “Republika e Vjetër” pasi ka shumë para të pista. Basha shprehet i vendosur në kërkesën për qeveri teknike dhe zgjedhje të lira e të ndershme dhe thotë se opozita dhe protestuesit janë të vendosur në kërkesat e tyre, duke u shprehur se alternativa e vetme është largimi Edi Ramës.
“Pas hakmarrjes politike fshihet diçka më e madhe. Rama pasi i hapi dyert krimit, ka marrë një mision kombëtar e ndërkombëtar për pastrimin e parave. Ka përfshirë familjarët e tij në një bankë që është e dyshuar për transaksione të dyshimta për pastrimin e parave.
Përpjekja jonë do të jetë edhe që të vendosen gjoba të majme për kompanitë e sigurimeve, para zgjedhjeve të ndershme, nëse i lejojnë këto lëvizje kriminale. Ka rënë parlamenti. Është një parlament i krimit. Dekriminalizimi nuk zbatohet. Kanë rënë bashkitë e vendit. Ka rënë pushteti i tretë, mediat, se janë në presionin e tyre. Vendimi i qytetarëve shqiptarë është i vetmi i drejtë.
Rama mbuloi Shqipërinë me drogë, u dha mbështetje kriminelëve, i nxori kriminelët nga burgu, e tani kërkon ta shndërrojë këtë vend në një republikë të pastrimit të parave të pista të krimit e politikanëve. Shqiptarët nuk do të pranojnë kurrë që institucioni i zgjedhjeve të lira e të ndershme të janë viktima e radhës e krimit në këtë vend. Alternativa e vetme është largimi i Ramës. I nxori banditët nga burgjet. Qeveria e bandave duhet të largohet. Aletenativa e vetme është largimi i Edi Ramës, largimi i turotëve dhe parave të pista do ju jap rrugë të lirë zhvillimit të qytetarëve”, tha Basha. (J.V/Shuplaka)
Discussion about this post