Kreu i opozitës Basha i ka ripërsëritur ftesën për debat televiziv kryeministrit Rama nga një takim me mbështetësit në Gjirokastër.
“Kam 48-orë që të kam bërë një ftesë për debat televiziv. Eja, zgjedhim si e ku dhe dalim përpara shqiptarëve. Këtu nga sheshi i Çerçiz Topullit të sfidoj dhe të ftoj për debat televiziv. Eja dhe lëri rrenat, ku i ke 300 mijë vende pune? Ku e ke shëndetësinë falas? Eja në debat. Është kulturë””,-u shpreh Basha.
Ftesën ndaj Ramës Basha e bëri për herë të parë në Lezhë.
Basha po ashtu foli për pakënaqësitë nga listat e PD.
Sot nga Gjirokastra ku hapi fushatën, Lulzim Basha iu dha një tjetër mesazh kritikëve, kur tha se ka krijuar ekipin me të cilin do arrinte fitoren në zgjedhjet e 25 qershorit.
“Kam krijuar ekipin tim fitues. këto janë vendime të drejta. Eshtë koha për vendime të forta, të mëdha, prandaj ju ftoj të vazhdojmë bashkë përpara”,- iu drejtua ai gjirokastritëve.
(M.D/Shuplaka)
