Kreu i PD-së Lulzim Basha i ka vënë një kusht kreut të Parlamentit Gramoz Ruçit duke i kërkuar që të mblidhet Konferenca e Kryetarëve tani pasi nuk mund të shtyhet me një javë diskutimi për reformën zgjedhore.
“Ky biçim parlamenti po degradon nga dita në ditë sot kemi si rend të ditës Reformën Zgjedhore, një nga çështjet më të rëndësishme të zgjedhjeve. PD ka caktuar për debat emrat e PD-së që do të flisnin.
Ju vini të papërgatitur këtu për debat. Mblidh Konferencën e Kryetarëve tani. Ky parlament nuk është pjesë e mazhorancës por i popullit. Ose përndryshe bëhu përgjegjës për këtë bllokim. Nuk mund të shtyhet me një javë debati. “, u shpreh Basha.
Sjellim në vëmendje që kreu i Kuvendit Gramoz Ruçi vendosi që të shtyhet debati me një javë për këtë çështje, diskutimi për miratimin e projektvendmit për Reformën Zgjedhore. (J.V/Shuplaka)
Discussion about this post