Basha ia bën të qartë Ruçit që në nisje të Kuvendit: Mjaft më me truke, mos i vër kazmën seancës!

Ka nisur ndryshe Kuvendi këtë të enjte, në ndryshim nga java e parë ku që në nisje u shoqërua më përplasje të shumta.

Në rendin e ditës është parashikuar diskutimi për projektligjin për pakicat, ndrësa Basha ndërhyri që në fillim që Ruçi të mos vendosë sipas mendjes së tij për çështjet proceduriale.

“Zoti Ruçi po e ktheni nga absurd, në qesharak e tragjik. Rregullorja fare qartë përcakton rregulloren e funksionimit. Detyra jote të zbatosh rregulloren. Fatkeqësi e madhe për vendin. Problemi i burrave e grave që nuk marrin mundimin të mendojnë por edhe problem i Shqipërisë. Nuk mund ta ndryshosh rregulloren me votë, mësoje këtë, zbato rregulloren. Mos i vër kazmën. Ndoshta e ke porosi si javën e kaluar”, deklaroi Basha.

Mes të tjerash kreu i PD-së theksoi se me këto devijime Ruçi po i vë kazmën punimeve në Kuvend. Lideri i opozitës nuk kursye pa akuza edhe kryeministrin Rama, duke lënë të nënkuptuar faktin se mund të jetë udhëzues i kryeparlamanetarit Ruçi.

“Nuk duhet të përdorësh kartonta të një shumice që ka vendosur të jetë e shurdhër dhe para ligjit. Këta burra dhe gra nuk marrin kohë të mendojnë por ngrenë përdorën sa herë ia kërkoni. Ti se ndryshon dot rregulloren me votë. S’e ke këtë pushtet, s’ta ka dhënë njeri ty. As nuk mund ta marrësh. Nuk mund ti vësh kazmën punimeve në parlament. Ndoshta e ke porosit si javën e kaluar.

Se s’doni të përballesh. Mos i vër kazmën Kuvendit, zbato rregulloren. Unë nuk marr parasysh nëse ky deputet (Dule) ka të drejtë ose jo. Por se vendos ti këtë me karton. Si zëvendëson dot ti me karton, s’mund ta bësh. S’dua që kjo seancë të degjeneroj si seanca e kaluar falë ndërhyrjes tendë. Duhet ti vihet fre devijimit nga diskutimet me këto truke. Nuk ke të drejt që të devijosh rregulloren me votat e maxhorancës”, tha Basha.

(E.K/SHUPLAKA)