Drejtuesi politik i Koalicionit Euroatlantik, Lulzim Basha, ka reaguar me ironi ndaj sloganit të fushatës së kryeministrit Edi Rama, “Vetëm me Edin”. Në një postim në rrjetet sociale, Basha e ka konsideruar këtë slogan si “një të vërtetë të madhe”, duke thënë se vetëm me Ramën mund të vazhdojë korrupsioni, varfëria dhe largimi i të rinjve nga vendi.
“Slogani ‘Vetëm me Edin’ ka një të vërtetë të madhe brenda: vetëm me Edin mund të vazhdojë korrupsioni, varfëria dhe largimi i rinisë, sepse vetëm ai s’ka shkuar ende te shokët tek 313…”, shkruan Basha në postimin e tij, duke bërë referencë për burgun famëkeq të Tiranës.
Në fund të mesazhit, Basha u bën thirrje qytetarëve që të votojnë Koalicionin Euroatlantik, me numrin 4 në fletën e votimit.
Fushata zgjedhore pritet të intensifikohet në ditët në vijim, ndërsa palët politike kanë hyrë në një betejë të ashpër retorike për votën e qytetarëve shqiptarë.
