Kreu i demokratëve Lulzim Basha po mban sot një fjalim të fortë në Kuvend duke iu kujtuar socialistëve të gjitha herët që ata janë bërë sipas tij palë me krimin.
Po ashtu Basha iu ka sjellë aty në mendje rastin e Griseldës, gruas së Elvis Roshit dhe historinë false të shatatzënisë së saj.
“Më pyetën ca te rinj se çfarë është Griselda? I thashë që është një vajzë që i futën jastëk në bark dhe më pas thanë që ja futi në bark krimi. U vërtetua se Elvis Roshi, mik i Edi Ramës ishte një përdhunues. Çfarë janë këto trillime të mendjes time?”, u shpreh Basha.
Ndërkohë që theksojmë se kryeministri Rama gjatë fjalës së tij mjaft të gjatë në Kuvend iu shmang dhënies së llogarisë për gjendjen e krimit në vendin tonë, duke u ndalur vetëm në akuza dhe sulme ndaj opozitës.
“Raportin e OSBE-së e lexoni sipas qejfit dhe halleve tuaja. Është e qartë si drita e diellit që në 25 qershor u votua aq qartë sa ska asnjë shans të vihet në diskutim rezultati. Natyrisht pastaj që raoporti meriton një diskutim të vërtetë të përgjegjshëm, pa diskutim që ka shumë vend për të përmirësuar.
Ju jeni bosh poshtë e bosh lartë, jeni boshtë para dhe bosht mbrapa, këtë e tregon katandia ku ndodheni ju sot, e tregon edhe kjo sallë, rezultati ishte I thellë po edhe kuptimplotë. Ju jeni akoma në kohën e çadrës, dhe nuk i shqiteni dot idesë së vjetër shaj e shaj se diçka do të mbetet. Mesa duket fjala përgjegjësi është shumë e huaj për ju.
Disfatat njëra pas tjetrës nuk ua kanë ndezur llampën e përgjegjësisë. Kjo është një fjalë çelës për çdo parti e grupim, e keni humbur prej kohësh çelësin, ju nuk bëni dot sukses, ju dini të ndërtoni vetëm strategji kundër suksesit të të tjerëve, kaq mund të bëni”, u shpreh ndër të tjera kryeministri Rama.
(E.K/SHUPLAKA)
Discussion about this post