Kreu i Partisë Demokratike Lulzim Basha ka bërë një paralajmërim të fortë për deputetët e maxhorancës për ditën e nesërme. Ai tha se kushdo që do të guxojë të ngrejë kartonin për miratimin e ligjit për Teatrin Kombëtar, do të trajtohet si terrorist nga PD.
Basha e quajti një proces fasadë votimin e dekretit të presidentit dhe më pas amendimin e tij nga maxhoranca për të rikthyer sërish për votim.
Sipas Bashës në fund të këtij procesi nuk ndryshon asgjë pasi prona publike do të vidhet nga krimi.
“Nesër në Kuvendin e Shqipërisë do të kryhet një akt antikushtetues, do ti hapet rrugë një procesi fasadë në funnd të të cilit krimi i organizuar do të marrë leje për të shkatërruar pronën publike, kulturën dhe për të pastruar paratë e krimit dhe drogës, plotë 200 milionë euro.
PD ka një qëndrim të qartë dhe ligji Rama-Fusha është antikushtetues. Ai duhet të rrëzohet nëser në Parlament. Votimi është i papranueshëm për PD-në dhe vendos çdo deputet rilindjes në pozitë të barabartë me terroristët që shkatërrojnë pronën, kuturën dhe vlerat. Nesër marrim një qëndrim të qartë dhe të prerë. Keni orët e fundit të reflektoni, çdo kush që ngre kartonin do të trajtohet si terrorist”, tha Basha.
Discussion about this post