Kreu i opozitës ka përgëzuar aksionin antidrogë të kryer në Portin e Durrësit dhe në Doganën e Qafë-Thanës. Basha u shpreh se 18 doganierët janë vetëm ushtarët, ndërsa përgjegjësit e vërtetë janë Saimir Tahiri dhe Edi Rama.
‘’Po duhet të nis nga të tjerë ky aksion. E kam fjalën për Edi Ramën dhe Saimir Tahirin që e mbushën Shqipërinë me kanabis.
Ky është momenti të përgëzojmë Prokurorinë e Krimeve të Rënda për operacionin e djeshëm. Drogën e bën shteti, shteti i drogës, shteti i krimit, por këta të 18 janë ushtarët, cojeni hetimin deri në fund, arrestoni Saimir Tahirin!’’, deklaroi Basha.
”Keni marrë vesh për atë kullën 350 metra në fund të bulevardit, që do i heqin taksat për 15 vjet. Askush nuk e dinte! Po si merret vendimi sikur po blenë një lopë. Po pse ndërtuesit shqiptar, apo fermerit që bën një hangar shkon e takson ti, kurse këtij tjetrit ia heq, pse TAP-it i vë taksat, kurse këtij ia heq?! Pse? Pse? Këtu me një investim luksi ia heq.
Pse ndodh kjo? Kjo ndodh se janë lekët brenda, janë pasuritë e tyre! Këta flasin me miliona euro, shqiptarët thonë s’ka lekë, kjo është republika e vjetër, kjo është një shoqëri e robëruar nga oligarkia! Ne të gjithë jemi konsumatorë, skllevër të kësaj republike të vjetër”, vijoi Basha. (E.K/SHUPLAKA)
