Kryetari i Partisë Demokratike, Lulzim Basha, ka zhvilluar sot në çadër takimin me të rinjtë. Në ditën e 53 të protestës, ai ka folur për vjedhjen e shqiptarëve nga kryeministri Edi Rama, para të cilat nuk shkojnë në xhepat e anëtarëve të PS-së, por në duart e një grushti oligarkësh.
I vendosur, kryedemokrati deklaroi se do të vazhdojë i vendosur deri në përmbysjen e Republikës së vjetër. Duke iu referuar eurokomisionerit Knut Fleckeinstein, ai tha se Shqipëria nuk mund të krahasohet me Shqipërinë, për shkak se vendi ynë është 10 herë më keq.
“Një komplot ekonomik, politik, kundër lirive dhe të drejtave të shqiptarëve. Dua të ndaj disa shifra zyrtare të Republikës shqiptare që vërtetojnë sa i madh është komploti ndaj qytetarëve, gjatë tre viteve të qeverisjes Rama.
2.8 miliardë euro, që pot a marrim për frymë popullsie, i bie 1.000 euro për frymë, jo për familje. Llogaritini vetë. Ky koplot ekonomik ka arritur t’iu zhvasë vetëm përmes taksave dhe kredive shtetërore të fondeve publike, iu ka vjedhur, pa llogaritur koncesionet.
Iu siguroj se kjo vjedhja shtrihet në xhepat e çdo shqiptari, demokrat ose socialist. Këtë ju e shihni kudo. Mjerimi ekonomik, rënia e fuqisë blerëse, tarifat e rritura në arsim, çmimet e rritura të naftës. Ku shkojnë këto para? Kush i vjedh këto para? Nuk shkojnë në xhepat e anëtarëve të PS-së së Shqipërisë, por në xhepat e një grushti oligarkësh, kriminelësh, pushtetarësh, që përbëjnë së bashku kupolën e komplotit.
Këta janë Republika e vjetër me interesa miliarda euro. Kush ua bën Vettingu-n politikanëve? Ua bën populli, me zgjedhje të lira e të ndershme. Plani i Edi Ramës është shumë i thjeshtë, atë që do të bëjë me Vettingu-n në drejtësi do të bëjë edhe në politikë. Projekti i Vettingu-t një projekt mafioz. Kanë marrë peng ekspertët e Bashkimit Europian.
Komploti është zbuluar, jo herët sa ç’duhet por në kohë. Projekti ka qenë për t’i dorëzuar drejtësinë Edi Ramës. E përsëris, jam këtu i vendosur si pengesë për kapjen totale nga Edi Rama. Komplotistët e tu janë bashkëdekonspiruar, i pret gjykimi.
Përballë ke brezin e rinj të shqiptarëve që nuk i kompenson dot. Sa i përket sistemit të drejtësisë, nuk i kemi sipas formulës Rama-Tahiri-Shullazi dhe ndonjë i huaj që nuk po ia them emrin për kortezi, por që do i kërkohet llogari.
Miku ynë i shtrenjtë, Knut Fleckenstein, dje tha që nuk është Shqipëria si Maqedonia. Mik i dashur Knut ke njëqind për qind të drejtë, Shqipëria është 10 herë më keq.”, u shpreh Basha ndër të tjera në ditën e 53 të protestës.
(XH.A/SHUPLAKA)
