Lulzim Basha nga çadra e opozitës u shpreh sot se Rama e ka mbushur vendin me drogë që të blejë zgjedhjet siç bëri në Dibër, por tani edhe më shumë. Basha po ashtu tha se janë në të drejtën e tyre të kërkojnë arrestimin e atyre që po e sjellin këtë masakër (Edi Ramës), por siç u shpreh ai nuk kanë kërkuar ta përmbysin me revolucion.
“Lajm tani është kur kalon dita pa drogë, Shqipëria është e mbushur me projektin e Edi Ramës, duke përdorur drogën siç e përdori në Dibër, tani shumë herë më shumë për të asgjësuar vullnetin e me kryeministrin i cili është komandanti i ushtrisë së drogës. Miku ynë Knut Fleckensten një të vërtëtë kja thënë: Asgjë nuk ka të përbashkët me Maqedoninë për zgjedhjet, është më keq. Jemi në drejtën tonë të kërkojmë arrestimin e atyre që po e sjellin këtë masakër, nuk kemi kërkuar ta përmbysim me revolucion, kemi kërkuar të largohet vetë, ky është kushti mininmal për zgjedhje të lira dhe të ndershme”, -tha Basha nga çadra e opozitës.
Po ashtu Basha shtoi se opozita do të vazhdojë qëndresën derisa republika e vjetër siç e quan ai të ikë.
“Kjo nuk ndryshon dhe çdo ditë që kalon është kohë e humbur, zgjedhjet e lira dhe të ndershme janë vetëm fillimi, republika e re është reformë e re kushtetuese, që kufizon pushtetin e kryeministrit, republika e re nuk është thjeshtë qeveri teknike, janë zgjedhe të lira dhe të ndershme, me votim elektronik biometrik, as militantët as kriminelët mos të ndryshojnë votën e askujt. Është çlirim nga oligarkët, që të marrë fund kjo do të asgjësojmë monopolët dhe oligarkët, do të kthejmë konkurencën.
Këto janë themelet e republikës së re, garantimi i të drejtave pavarësisht premtimeve, të gjithë të barabartë në republikën e re para ligjit. Ky është tavani dhe mbi këtë do të ngrihen themelet e një ekonomie vibrante. Ne e dimë se për ku jemi nisur, nuk ka forcë që mund të na ndalë, ata e dinë fare mirë se cfarë do të humbasin, nuk ka forcë që mund t’i thyejë përveç qëndresësë suaj. Sakrifika do të vazhdojë derisa republika e vjetër do të jetë histori dhe e reja realitet”, iu shpreh Lulzim Basha.
(M.D/ Shuplaka)
