Ashtu siç ishte parashikuar ka nisur protesta e opozitës në 5 akse të vendit. Protestuesit janë grumbulluar dhe mendohet se do të bllokojnë rrugët për rreth një orë.
5 akset që janë bllokuar tashmë janë: Rotonda e Plugut, në hyrje të Lushnjes, Rotonda e Bradasheshit, në Elbasan, Rotonda e Milotit, në Kurbin, Sheshi Shqiponja, në Tiranë si dhe mbikalimi pranë shkollës Teknologjike, te Pallati me Shigjeta në Tiranë.
Në Milot Policia ka bërë thirrje që protestuesit të largohen nga rruga pasi në asnjë mënyrë nuk duhet të bllokohen akset kombëtare.
Pavarësisht se policia është shprehur kundër bllokimit të rrugëve derimë tani nuk ka asnjë ndërhyrje për të ndaluar protestuesit. Nga ana tjetër të gjithë deputetët e PD-së janë në terren për të monitoruar situatën dhe për të pasur nën kontroll protestuesit. (E.K/SHUPLAKA)
Vijon…
Discussion about this post