Basha: Mbi 600 mijë shqiptarë në këtë shesh dhe miliona të tjerë bashkë me ne në këtë referendum historik

”Sot jeni 3 herë më shumë, mbi 600 mijë shqiptarë në këtë shesh dhe miliona të tjerë bashkë me ne në këtë referendum historik.”, kështu sapo ka deklaruar para qytetarëve të mbledhur në Bulevardin ”Dëshmorët e Kombit” kryedemokrati Lulzim Basha.

Sipas tij bashkimi i sotëm do të sjellë zhvillimin e madh.

”Sot jemi këtu për shumë më shumë, nuk jemi mbledhur kaq shumë sot për një ndryshim të vetëm, as për një ndryshim të vogël, por për ndryshimin më të madh të 27 viteve të historisë sonë kombëtare.

Gjithçka duhet të ndryshojë dhe falë bashkimit tonë, me ndihmën e Zotit, gjithçka do të ndryshojë, asgjë nuk do të jetë si më parë!

Republika e vjetër sot shpallet objekt i arkivit të Muzeut Kombëtar. Ne si shqiptarë të bashkuar nuk e njohim dhe nuk do ta njohim më republikën e vjetër të krimit dhe të drogës!”, theksoi Basha.

FJALA E BASHËS:

”Vëllezër dhe motra, zonja dhe zotërinj, bashkëqytetarët e mi, të rinj e të reja, studentë e studente dhe ju të dashur fëmijë shqiptarë, drita e syrit tonë, kurrë më parë Shqipëria nuk ka mbledhur asnjëherë shqiptarë më shumë se sot.

Kjo nuk është protestë, ky nuk është manifestim, ky është referendumi i shqiptarëve për republikën e re!

Ju shoh dhe ju dëgjoj edhe ju atje në fund fare para heroi kombëtar Skënderbeut, ju shoh dhe ju përshëndes, siç ju kam dëgjuar 85 ditë dhe netë me radhë, që nga fillimi.

Sot jeni 3 herë më shumë, mbi 600 mijë shqiptarë në këtë shesh dhe miliona të tjerë bashkë me ne në këtë referendum historik.

Më 18 shkurt, 3 muaj më parë u bashkuam në këtë shesh për t’i thënë ndal keqqeverisjes, ndal drogës, ndal krimit qeveritar.

U bashkuan në këtë shesh për 85 ditë e netë me radhë, shqiptarë nga gjithë Shqipëria, intelektualë, profesorë, artistë, fermerë, gjimnazistë, punëdhënës e punëmarrës dhe miq nga e gjithë bota që na qëndruan dhe qëndrojnë në krahë për betejën tonë të pakthyeshme për demokracinë e vërtetë!

Ajo që nisi si rruga e bashkimit, i vetmi shteg për miliona shqiptarë, të shtypur, të nëpërkëmbur, të dhunuar, të mashtruar dhe shpunësuar, kish kapluar të madh dhe të vogël, gegë e toskë, demokratë e socialistë, myslimanë e të krishterë, u shkatërroi ekonominë, u vrau demokracinë, u shkatërroi vendet e punës, dhe ju la si opsion emigracionin.

Ja tek jemi sot me një bashkim që nuk e ka parë Shqipëria, Ballkani, nuk e ka parë Europa, nuk e ka parë Bota! Ky nuk është vetëm marshimi kundër të keqes, por shpallja e besimit te vetja juaj!

Këtu keni ardhur sepse besoni te Republika e Re, nuk keni ardhur se besoni te një njeri, as vetëm te një parti, sepse gjithë këta muaj qëndresë që kanë hyrë në histori, është ripërtëritja e besimit të çdo shqiptari te vetvetja e vet dhe të gjithë te njëri-tjetri!

Sot jemi këtu për shumë më shumë, nuk jemi mbledhur kaq shumë sot për një ndryshim të vetëm, as për një ndryshim të vogël, por për ndryshimin më të madh të 27 viteve të historisë sonë kombëtare.

Gjithçka duhet të ndryshojë dhe falë bashkimit tonë, me ndihmën e Zotit, gjithçka do të ndryshojë, asgjë nuk do të jetë si më parë!

Republika e vjetër sot shpallet objekt i arkivit të Muzeut Kombëtar. Ne si shqiptarë të bashkuar nuk e njohim dhe nuk do ta njohim më republikën e vjetër të krimit dhe të drogës!

Pasi ka vjedhur e ka grabitur çdo aset, pasi ka abuzuar me qindra miliona euro të tenderave, tani republika e vjetër bëhet gati për vjedhjen më të madhe, vjedhjen e votave të shqiptarëve.

Ne jemi bashkuar dhe ju jeni bashkuar dhe i kemi thënë ndal, e i kemi thënë se zgjedhje me krimin e drogën nuk ka e nuk do të ketë. Do ketë vetëm zgjedhje të ndershme me qeveri teknike që kthen besimin me garantimin e votës së lirë.

Si mund të pranojnë shqiptarët një shtet ku i riu shtyhet drejt vetëvrasjes, ndërsa trafikantët bëhen ministra, anëtarë e kryetarë bashkish?! Si mund të pranojmë republikën e vjetër, republikën e turpit, ku pacientët shqiptarë rropaten nëpër spitale që vetëm emrin kanë spitale sepse qindra mijëra euro i merr me një dorë Edi Rama?! E si mund të pranojmë republikën vjetër që torturon e shantazhon me taksa të larta e me harace biznesin e vogël, ndërkohë që ata vetë ndërtojnë vila, hotele?!

E si mund të pranojmë republikën e vjetër me maturantë që nuk studiojnë e qindra mijëra të tjerë ndërprejnë studimet për shkak të mungesës së kushteve?! Si mund të pranojmë republikën e vjetër kur të përndjekurit mashtrohen. Si mund të pranojmë republikën e vjetër që i rrënoi fermerët shqiptarë, asnjë lek subvencion?!

Nuk ka forcë më të madhe se forca e bashkimit tuaj, nuk ka forcë më të shenjtë, ndaj sot jemi 5,10, 15 herë më shumë.

PD bëhet çdo ditë më e fortë dhe më e madhe duke luftuar me ju dhe për ju për kauzën e zgjedhjeve të lira dhe të ndershme.

Lufta për kauzën e drejtë i bën njerëzit më të fortë, bashkimin tonë të pathyeshëm kështu siç është sot në këtë shesh.

Në asnjë vend të Europës nuk luftohet më fort për Europën se në këtë shesh të bashkimit dhe qëndresës.

Sot jemi mbledhur për një vendim të madh, për të vetmin vendim që e çon në Europë, që rikthen fatet e qytetarëve në duart tuaja: për t’i thënë njëherë e përgjithmonë Lamtumirë Republikë e Vjetër!

Pensioni minimal të jetë 250 mijë lekë në muaj, t’u japim studentëve shqiptarë tarifa të përballueshme, bashkë me premtimin e Republikës së Re se asnjë bir a bijë shqiptari nuk do mbetet pa studime.

Duke i dhënë 10 mijë studentëve që përfundojnë studimet në vit punësim dhe stazh me një vlerë minimale 200 mijë lekë në muaj, për t’iu uruar fillimin e mbarë të jetës këtu në Shqipëri, këtu në vendin tuaj.

Do jetë Republika e taksave të ulta, taksës së sheshtë!

Me 9% taksën e sheshtë, ne do t’i japim frymëmarrje ekonomisë shqiptare, do injektojmë 1 miliardë euro ekonomisë shqiptare, vende pune.

Premtim i një takse maksimale që kombinon taksat vjetrore jo më shumë se 1.5% të xhiros vjetore. Tatim 9%.

Republika e re do të kthejë mbi 40 mijë familje të hequra padrejtësisht nga skema e ndihmës ekonomike. DO të paguajë faturat e energjisë dhe ujit të pijshëm deri në 300KW.

Fermerët shqiptarë duhet ta dinë se paratë që sot zhduken do të kthehen në subvencione plot 100 milionë euro në vit ku do shpërblehet çdo familje femere. 

Do ta barazojmë djersën e fermerit shqiptar me djersën e fermerit europian. Pronarët e ligjshëm e dinë tashmë se do i shpronësojmë pronat tuaja dhe do të kompesohen sipas vlerës së tregut.

Vëllezër dhe motra emigrsntë ju që jeni larg vendit tuaj dhe sot jeni më shumë para tre vitësh për shkak të vrasjes se shpresës akti i parë do të jetë e drejta juaj për të votuar njësoj si të parët tuaj, zëri juaj s’do të dëgjohet dhe kombi do të bashkohet në parlamentin e ri të Republikës së Re.

Të gjitha këto janë të realizueshme nëse kuçedra e republikës e vjetër largohet nga burimi i resurseve dhe pasurive të shqiptarëve.

Asgjë nuk do të ndryshojë, keq me më keq do të bëhet Shqipëria nëse ia lejojmë diktatin e drogës.

Gjithçka do të ndryshojë, asgjë nuk do të jetë si më parë nëse marrim fatin tonë në duart tona.

Republika e re nuk mund të jetë kurrë Republika e politikanëve , nuk do të jetë republika me kushtetutë dhe ligj. Ne duhet të kemi patjetër zgjedhje të lira dhe ndershme ku çdo qytetar mund të shephë vulnetin e tij, pa kërcëuar, i pashitur, I paterrorizuar nuk mund të ketë zgjedhje moniste më në Shqipëri.

Ne as nuk do të lejojmë as do të pranojmë rikthimin e monizmit.

Por do të kemi zgjedhje të lira dhe të ndershme sepse forca jonë është forca e bashkimit dhe qëndresës, këtë betejë e nisëm së bashku. Jam gati t’ju udhëheq drejt një beteje europiane. Sot jam këtu për t’ju thënë që unë dhe PD kemi mbajtur premtimin që ju kemi dhënë.

Nuk kanë rreshtur krtikat, sulmet ndaj meje dhe ndaj PD-së po ju  e keni parë që unë nuk jam stepur as nuk jam ndalur.

As  nuk jam joshur sepse këtë betejë nuk e bëj as për karrigën as për pushtetin tim apo të partisë sime por për të gjithë ju për qytetarët e vendit. Për qytetarët e djathtë dhe të majtë. ” (V.G/SHUPLAKA)