Në orën 17:00 të ditës së sotme, kryetari i Partisë Demokratike, Lulzim Basha, do të mbledhë Kryesinë e partisë.
Mësohet se në qendër të këtij takimi do të jenë politikat që opozita do të ndjekë në ditët në vijim, disa muaj përpara zhvillimit të zgjedhjeve parlamentare.
Një ndër çështjet që pritet të diskutohen do të jetë ajo për rikthimin e protestave në vend.
Një ditë më parë, kryetari i Partisë Demokratike, Lulzim Basha, paralajmëroi nisjen e një sërë protestash popullore që do të synojnë garantimin e një procesi zgjedhor të ndershëm.
Pritet edhe zhvillimi i një takimi të kryedemokratit me kryetarët e degëve në Shqipëri. (XH.A/SHUPLAKA)
Discussion about this post