Opozita e bashkuar deklaroi dje se krijimi i qeverisë teknike është zgjidhja e vetme për organizimin e zgjedhjeve të ndershme.
Flitet se në mbledhje është diskutuar për një emër kryeministri teknik i cili të jetë jo një figurë politike.
Nga ana tjetër Rama sot ka patur takime të tjera me aleatët për të zgjidhur ngërçin politik që ka mbërthyer vendin.
Kryeministri Rama është takuar sot për gati 60 minuta me aleatin tjetër më të vogël në qeveri, Shpëtim Idrizin, i cili gjithashtu është rreshtuar në krah të Metës sa i përket deklaratës: Nuk marrim pjesë në zgjedhje pa opozitën.
Mësohet se Shpëtim Idrizi ka shpalosur platformën e tij për zgjidhjen e krizës politike. Në fokus të diskutimeve ka qenë pikërisht kthesa e papritur e LSI-së dhe zgjidhja e krizës.
Pas këtij takimi, Idrizi ka shkuar të takojë kreun e Kuvendit, Ilir Metën.
Ditën e djeshme ai shpalosi një paketë me 7 pika për zgjidhjen e krizës. (M.D/ Shuplaka)
