Basha me drejtuesit lokalë të PD-së: Protesta përshkallëzohet në 6 dhe 7 maj

Kreu i opozitës Lulzim Basha ka qenë në një takim me drejtuesit e PD-së në rrethe. Ndërkohë që te çadra e opozitës po diskutohej nga deputetët në lidhje me problematika të ndryshme të qytetarëve Basha dhe drejtuesit lokalë janë takuar në Selinë e PD-së.

Nga ky takim është vendosur që protesta e opozitës të përshkallëzohet duke filluar nga data 6 dhe 7 maj, kur do të jenë dhe zgjedhjet lokalë në Kavajë.

Ndërkohë përshkallëzimin e protestës e njoftoi nga çadra dhe ish-kryeministri Berisha, i cili nuk ka kyrsyer dhe një thirrje të fundit për Ramën.

‘’I themi Edi Ramës mos guxo të shkosh në zgjedhje sepse do kesh fundin total që meriton me duart e tua. Duhet të jesh i bindur se ata që nuk të lejojnë të japësh dorëheqjen nuk kanë asnjë hall tjetër vecse milionave që kanë vjedhur. Ata do ia mbathin sic bëri Gramoz Ruci në ’96-ën. Mos imagjino se mund të shkosh në zgjedhje duke përvetësuar votën e shqiptarëve, mjerë tip o vazhdove në këtë rrugë’’, deklaroi Berisha. (E.K/SHUPLAKA)