Kreu i opozitës Lulzim Basha ka folur ashpër ndaj dy partive të koalicionit qeverisës LSI-PDIU. Në një takim me emigrantët Basha iu ka sugjeruar atyre që më mirë ta hedhin votën në lumin Drin i Zi se t’ia japin PDIU-së.
“Këtë do vazhdoni, do i besoni këtyre partive që kanë një qëllim, të zhvatin shqiptarët të jenë pjesë e tepsisë, se platformë nuk kanë as LSI, as PDIU. Asnjë votë për shushunjat. Asnjë votë PDIU-së që ka hyrë më kokë në qypin e turshive, ta dinë ata që iu besojnë, më mirë hidhini në Drin të Zi votat se me ua dhënë këtyre. Të paktën në Drin do e hajë ndonjë peshk i vogël, kurse kështu dreqi do e hajë votën. Asnjë votë për partitë e tjera”, theksoi Basha. (J.V/Shuplaka)
