Kryetari i opozitës Lulzim Basha prej ditësh po zhvillon një tur takimesh me bazën e Partisë Demokratike. Ndër të tjera ai ka ftuar nga afër këdo që të marrë pjesë në protestën e shumëpritur të 18 qershorit në kryeqytet.
Sot Basha ka zgjedhur të ftojë në një takim profesionistët e rinj për të diskutuar për problematikat që ata hasin. Shumë prej tyre dhe të arsimuar në universitetet më të mira perëndimore shprehin shqetësimin se nuk gjejnë punë.
“Shembullin e fundit në Rumani e ka parë gjithë bota, shqiptarët, rinia shqiptare nuk mund të bjerë poshtë këtij shembulli. Kjo është në dorën e gjithsecilit. Unë jam produkt i kësaj hapje, hajes së Shqipërisë dhe PD. Këtë bekim dhe shans dua ta bëj të mundur sot për gjithsecilin që është këtu”,- tha Basha.
Duke i ftuar të rinjtë në protesta, ai shtoi se: “Ndryshimi po vjen, kam besim se ju këtu do i prini këtij ndryshimi. 18 shkurti do të jetë një show force, për t’i treguar qeverisë se kush është zot në këtë vend. Janë bandat e kanabisit apo qytetarët shqiptarë”. (E.K/SHUPLAKA)
Vijon…
