Pas Brukselit, kryetari i Partisë Demokratike Lulzim Basha viziton Berlinin.
Gjatë ditës së sotme Basha zhvilloi një takim me Presidentin e Fondacionit Konrad Adenauer (KAS) të CDU-së të Kancelares Merkel Dr. Hans-Gert Pöttering, i cili është gjithashtu edhe ish-President i Parlamentit Europian.
“Stacioni i fundit i takimeve të mia në SHBA dhe BE është Berlini.
Sot zhvillova një takim me Dr. Hans-Gert Pöttering, Presidentin e Fondacionit Konrad Adenauer (KAS) të CDU-së të Kancelares Merkel dhe ish President i Parlamentit Europian.
I shpreha Presidentit Pötering mirënjohjen e sinqertë për mbështetjen e jashtëzakonshme të Fondacionit KAS për Partinë Demokratike, veçanërisht në mundësimin e ekspertizës gjermane për hartimin e politikave publike të qeverisjes sonë të ardhshme dhe përgatitjen e politikanëve të rinj të PD-së. Ai më siguroi për vazhdimin e kësaj mbështetjeje si pjesë e rëndësishme e bashkëpunimit të ngushtë midis PD dhe CDU.”, shkruan Bashan ë një njoftim në rrjetet sociale.
Sipas kreut të opozitës, gjatë këtij takimi Pöttering u shpreh se thelbi i demokracisë europiane janë zgjedhjet e lira dhe llogaridhënia e politikës. (D.D/Shuplaka)
[ngg_images source=”galleries” container_ids=”961″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
