Kryetari i Partisë Demokratike, Lulzim Basha, ka zhvilluar së fundmi një takim me strukturat e Partisë Demokratike në qytetin e Fierit. Në takimin e tij me qytetarët, kryedemokrati premtoi se PD është një lëvizje qytetare që do të marrë në dorë fatin e vendit.
Ndër të tjera, ai akuzoi kryeministrin Edi Rama se nuk e do votimin dhe numërimin elektronik ngaqë ka frikë nga zgjedhjet e lira dhe të ndershme.
“Kësaj padrejtësie do t’i japim fund. Garancia për këtë sot nuk jam vetëm unë dhe programi i PD-së që po e shpalosim cep më cep. Garancia më e madhe jeni ju, janë qytetarët që po bashkohen për të larguar njëherë e përgjithmonë një kast të korruptuar dhe të lidhur me krimin dhe për të sjellë në pushtet jo thjesht dhe vetëm një parti politike, por një lëvizje qytetare që do të marrë në dorë fatet e qytetarëve, fatin e vendit.
Kjo lëvizje qytetare nuk do të ndalojë deri satë sigurojë zgjedhje të lira e të ndershme ose përmes paketës që kemi propozuar ne, përfshirë votimin dhe numërimin elektronik, ose përmes marrjes në dorë të fateve të vendit nga kjo lëvizje.
Rilindja tjetër gjë premtoi dhe tjetër gjë po bën. Rama nuk do numërim elektronik, do të vjedhë votat,. Edi Rama ka frikë nga zgjedhjet e lira dhe të ndershme, më 18 shkurt të dalim për t’i dhënë fund kësaj qeverie.
Qeveria erdhi me premtimin se do t’i shërbejë shumicës, por po i shërben vetes së vet. Shëndetësia në kolaps nuk vjen sepse shqiptarët paguajnë më pak. Shqiptarët paguajnë më shumë sot për shërbimin shëndetësor, por ato para nuk shkojnë për ilaçe, për pajisje, për trajtim mjekësor por shkojnë në xhepat e grushti oligarkësh, hajdutësh, kriminelësh të lidhur drejtpërdrejtë me Kryeministrin. Ndaj nuk do të zgjedhje të lira dhe të ndershme.
Prandaj mban Elvis Rroshin kryetar bashkie. Prandaj mban Saimir Tahirin ministër të Brendshëm, njeriun që e kanë treguar me gisht të gjithë partnerët tanë, si një kokat e krimit të organizuar, si njeriu përgjegjës për shndërrimin e Shqipërisë në një hambar droge. Sepse këta i duhen për të vjedhur zgjedhjet e ardhshme. Prandaj nuk pranon votimin elektronik dhe numërimin elektronik, sepse e di që me zgjedhje të lira dhe të ndershme, pa krim, me votë të lirë qytetare, kjo qeveri është e rënë, është e larguar dhe rruga hapet për një qeveri të qytetarëve, për një qeveri të Shqipërisë”, u shpreh ndër të tjera Basha. (XH.A/SHUPLAKA)
Discussion about this post