Lulzim Basha ka vizituar shtëpinë e gazetares Dajana Dobrozit, në fshatin Bilaj në Fushë-Krujë, ku uji ka përpirë gjithçka. Mobilje, libra, dokumente, ushqimin.
Sipas fotove të mëposhtme shihet gjendja e qartë katastrofike në të cilën ndodhet banesa e gazetares.
Kreu i opozitës kërkoi të ndihmohen familjet e prekura. Sipas Bashës emergjencat civile në fshatin Bilaj kanë vepruar me vonesë.
Në Fushë Krujë janë përmbytur 2 lagje me 1500 banorë dhe tërësisht 3 fshatra në zonën e Bubqit me 100 shtëpi dhe 600 ha tokë.
Ditën e djeshme Faxweb bënte thirrje për ndihmë në emër të banorëve të kësaj zone.
”Po vdesim për bukë në Fushë-Krujë, uji na ka përmbytur komplet shtëpitë, jemi në katet sipër, na ndihmoni ju lutem!”,- u shpreh njëri nga banorët për Faxëeb.
”Uji është 2 metra”,- raportoi një tjetër dëshmitar në vendngjarje për ”Faxëeb”.
”Këto janë ca foto nga Bilaji. Bilaji dhe Murqina janë keq fare. Të shpise sime kanë mbet të izoluar, s’kanë as bukë me hangër se kur ka hyrë uji kane qenë në gjume dhe iu kanë prish krejt ushqimet. Rrinë në kat të dytë se i pari është me 2 metra ujë”,- rrëfen banori.
Një pjesë e të përmbyturve nuk kishin mundësi as të flisnin në telefon sepse nuk i kishin karikuar për shkak të mungesës së energjisë elektrike.
Discussion about this post